पत्नीलाई मृत्युको मुखमा पु¥याइँदै


Friday, 19 Jul, 2019 11:59 AM

वैदेशिक रोजगारीले ल्याएको अर्को सामाजिक समस्या, केटाले उमेरदार पत्नीलाई यतै छोडेर हिँड्ने । पतिले विदेशतिरै विवाहेत्तर सम्बन्ध राख्ने र यता पत्नी आत्महत्या गर्न बाध्य हुने !

मोरङका राजन कुँवर अहिले कतारमा छन् । बूढानीलकण्ठ– ५, पासिकोटमा घर बनाएर पत्नी अमृता बोहोरालाई जिम्मा लगाएका थिए । पति–पत्नीबीच म्यासेन्जर कल भइरहन्थ्यो । तर, असार १९ गतेको म्यासेन्जर संवाद अमृताका लागि जीवन त्याग्ने स्थितिको यातनामा परिणत भयो । कतारको लाहुरे बनेर काठमाडौंतिर घुम्ने क्रममा मोरङका राजन र रुकुम, बीसकोटकी अमृताको भेट भएको थियो । यता घरबार चलाउन राजनले पैसा पठाउँथे, तर अमृता पठाएको पैसा नपुगेको भन्दै गुनासो गर्थिन् । पति–पत्नीमा पैसाको किचकिच चल्नु नौलो कुरा भएन । तर, १९ गतेको म्यासेन्जर संवादमा एक्कासी एकजना भियतनामी युवती प्रकट भएपछि अमृताको दिमाग चकरायो । उनले पहिला पतिको आइडीमै युवती देखिन् । ‘उनी को हुन् ?’ भनेर सोध्दा ‘जो भए पनि किन चाहियो ?’ भनेर राजन सन्किए । फेरि एकैछिनमा उनै भियतनामी युवतीले अमृतालाई म्यासेन्जरमा कल गरेर भनिन्, ‘म राजनको पत्नी हुँ । तँ को होस् ?’ अमृताले भनिन्, ‘उसको पत्नी त म हुँ ।’

म्यासेन्जरमै राजनले ‘बढ्ता नबोल्, यो मेरी बूढी हो’ भन्दै भियतनामी युवतीलाई चुम्बन गरेर देखाइदिएपछि अमृतालाई जिन्दगी नै भारी लाग्यो । उनले म्यासेन्जरलाई अनलाइनमै राखेर आत्महत्या गरिन् । पत्नीले आत्महत्या गरेको दृश्य पति राजनले कतार बसी–बसी हेरे । उनले प्राण त्यागिसकेपछि मात्रै छिमेकीले प्रहरीलाई खबर गरे । प्रहरी पुग्दा अमृताको म्यासेन्जर अनलाइनमै थियो । तर, पति राजन भने अफलाइन भइसकेका थिए । 

कसैले कसैलाई आत्महत्याका लागि प्रेरित गर्नु पनि अपराध मानिन्छ । अहिले प्रहरीमा अमृताको माइतीपक्षले राजनलाई प्रतिवादी बनाएर जाहेरी दिएको छ । घरकी पत्नीलाई परस्त्रीका अगाडि अपमान गर्ने र परस्त्रीलाई पत्नी भनेर वास्तविक पत्नीलाई मानसिक यातना दिने घरेलु हिंसाको एउटा अर्को पक्ष हो भन्ने दावी अमृताका माइती पक्षको छ । घरेलु हिंसासम्बन्धी दफा लगाएर राजनलाई कतारबाट डिपोट गर्नुपर्ने जाहेरवालाको माग हो । तर, प्रहरीसँग यस्ता कसुरमा विदेशमा रहेको व्यक्तिलाई झिकाउने संयन्त्र र सुविधा उपलब्ध छैन ।


सुन चांदी बिक्रि दर

तेजाबी

प्रति तोला

NRs.72,300/-

छापावाल

प्रति तोला

NRs.72,600/-

चांदी

प्रति तोला

NRs.860/-

गोकर्ण बचत तथा ऋण सहकारीको आठौं बार्षिक साधारण सभा

गोकर्ण बचत तथा ऋण सहकारीले आफ्रानो सहकारीको आठौं बार्षिक साधारण सभा ओसिस पार्टी प्यालेसमा एक समारोह विच सम्पन्न गरेको छ ।

​एल.आई.सी. नेपालको ‘जीवन बचत’ योजना

“जीवन बीमासहितको खुसीको बचत, जीवन बचत” भन्ने सन्देशकासाथ एल.आई.सी. नेपालले ‘जीवन बचत’ नामक एकल बीमाशुल्क जीवन बीमा योजना बजारमा ल्याएको छ…

प्राइम कमर्सियल बैंकको वार्षिक साधारण सभा सम्पन्न ।

एन आई सी एशिया बैंकको सपोर्ट सेवा २४ सै घण्टा सञ्चालनमा

Prabhu Bank Ltd.
Top