डक्टर बन्न अनेक दाउ


Saturday, 21 Sep, 2019 1:23 PM

नेपालकै सबभन्दा राम्रो भनी ख्याति कमाएको काठमाडौं विश्वविद्यालयबाट विद्यावारिधिप्राप्त विद्यार्थीको थेसिसमै कैफियत भेटिएपछि ‘मन परेको केटो जेठाजु परेछ’ भनेजस्तै भएको छ । डाक्टरको उपाधि लिन दुई विषयमा स्नातकोत्तर वा एमफिल गरेको हुनपर्ने प्रावधान छ । सोहीबमोजिम विशालकुमार भण्डारीले पनि भर्नाअघि दुईवटा स्नातकोत्तर र दुईवटै थेसिस सकेको विवरण पेश गरे । विद्यावारिधि प्राप्त गर्ने अन्तिम चरणमा पुग्दा पो उनले झुक्याएर पूर्वाञ्चल र त्रिभुवन विश्वविद्यालयमा एउटै थेसिस बुझाएको पाइयो ।

पियुअन्तर्गतको कलेज अफ जर्नालिज्म एण्ड मास कम्युनिकेसन्स र त्रिविमातहत रत्नराज्य लक्ष्मी क्याम्पसबाट स्नातकोत्तर गर्ने क्रममा विशालले एउटै थेसिस बुझाएका हुन् । उनले आरआरबाट समाजशास्त्रमा पहिलो स्नातकोत्तर गर्दा ‘कभरेज अफ डेभलपमेण्ट इस्युज इन नेप्लिज मिडिया’ शीर्षकमा थेसिस बुझाएका थिए । दोस्रो थेसिसका रूपमा पियुबाट सम्बन्धन पाएको कलेज अफ जर्नालिज्म एण्ड मास कम्युनिकेसन्सलाई हुबहु त्यही शीर्षकमा उक्त थेसिस लेखेको मञ्जु मिश्रको कलेज अफ जर्नालिज्म एण्ड मास कम्युनिकेसनको वेबसाइटबाट पुष्टि भएको छ । थेसिसबारे डब्लुडब्लुडब्लु सीजेएमसीडटइडियुडटएनपीको थेसिस बटनमा हेर्न सकिन्छ ।

विशालले विद्वताको नाममा कैफियत गरेको उजुरी केयु, पियु र विश्वविद्यालय अनुदान आयोगमा समेत परेपछि यी दुईले उनलाई बोलाई बयान पनि लिएको र केयुले दिन लागेको विद्यावारिधिको उपाधि निलम्बन भएको छ । कैफियत खुल्ने आशंकामा दुवै कलेजबाट सफ्ट प्रति र पुस्तकका रूपमा प्रकाशित थेसिस नै बेपत्ता बनाएको पाइएको छ । पियुले त शारदा भुसालको पत्रको जवाफ दिँदै थेसिस नै धुलाइसकेकाले उपलब्ध नभएको लिखित जवाफ दिएको छ । यता प्रायः काठमाडौंमै बस्ने विशालले भूकम्पमा दोलखाको घर भत्किएकाले विद्यावारिधिको सफ्ट र हार्ड दुवै प्रति त्यहीं परेको र नामोनिसान केही बाँकी नभएको जवाफ दिएका छन् । 

नेपालमा अहिले जसरी पनि नामका अगाडि डाक्टर लेख्ने र विषयवस्तुको विज्ञता र ज्ञान नभए पनि पहुँचका आधारमा ठूला सरकारी नियुक्ति लिने प्रवृत्ति बढेको छ । विशाल पनि डाक्टरको उपाधि लिई यसैपटकको दीक्षान्त समारोहमा राष्ट्रपतिबाट उपाधि पहिरिएर राज्यको नीति निर्धारण गर्ने एउटा ठूलो संस्थाको प्रमुख बन्ने अन्तिम चरणमा थिए ।


सुन चांदी बिक्रि दर

तेजाबी

प्रति तोला

NRs.72,300/-

छापावाल

प्रति तोला

NRs.72,600/-

चांदी

प्रति तोला

NRs.860/-

गोकर्ण बचत तथा ऋण सहकारीको आठौं बार्षिक साधारण सभा

गोकर्ण बचत तथा ऋण सहकारीले आफ्रानो सहकारीको आठौं बार्षिक साधारण सभा ओसिस पार्टी प्यालेसमा एक समारोह विच सम्पन्न गरेको छ ।

​एल.आई.सी. नेपालको ‘जीवन बचत’ योजना

“जीवन बीमासहितको खुसीको बचत, जीवन बचत” भन्ने सन्देशकासाथ एल.आई.सी. नेपालले ‘जीवन बचत’ नामक एकल बीमाशुल्क जीवन बीमा योजना बजारमा ल्याएको छ…

प्राइम कमर्सियल बैंकको वार्षिक साधारण सभा सम्पन्न ।

एन आई सी एशिया बैंकको सपोर्ट सेवा २४ सै घण्टा सञ्चालनमा

Prabhu Bank Ltd.
Top