जसलाई त्यो सन्धिले जान्दै जान्दैन


Saturday, 21 Sep, 2019 1:21 PM

जनसरोकार जोडिएका ठूला परियोजनामा प्रधानमन्त्रीले चासो बढाउँदै छलफल, तयारीमा पनि आफैँ जुट्न थाल्नुभएको छ । 

वर्षौंदेखि भारतले बनाउने भनी अहिलेसम्म त्यसै थन्किएको परियोजना हो, पञ्चेश्वर बाँध । यही विषयमा प्रधानमन्त्री ओलीले झलनाथ खनाल र प्रचण्डसहितका दुई पूर्वप्रमलाई साथै राखेर कर्मचारी र विशेषज्ञसँग ब्रिफिङ लिनुभएको छ । ०६६ मंसिर ९ मा दुबै देशका जलस्रोत सचिवको बैठक राखेर पञ्चेश्वर विकास प्राधिकरण गठन गरी विस्तृत योजना प्रतिवेदन तथा अन्य आवश्यक काम गर्ने सहमति भएको थियो । जुन अझै कार्यान्वयनमा आएको छैन । त्यसबेला माधव नेपाल र त्यसपछि झलनाथ प्रधानमन्त्री हुनुहुन्थ्यो । पञ्चेश्वरबारे अहिले भारतसँग कसरी वार्ता भइरहेको छ ? त्यसमा केही समस्या अझै जीवित छन् कि ? भारतको रणनीति र हाम्रो रणनीति के छ ? जस्ता प्रश्न गर्दै प्रधानमन्त्रीले सोमबार ब्रिफिङ लिनुभएको हो । उहाँले पञ्चेश्वर बहुउद्देश्यीय आयोजनाको बाँध निर्माणकार्य अगाडि बढाउनुपर्छ भन्ने धारणा राख्नुभयो ।

नेपालले आफ्नो क्षमता बढाउनुपर्छ, राष्ट्रिय हितका कुरालाई सर्वोपरी बनाउनुपर्छ भन्दै कर्मचारीलाई त्यहीअनुसार परिचालित हुन पनि भन्नुभयो । एकातिर आफ्नो पक्षका कुरामा दृढताका साथ प्रस्तुत हुने र अर्कातिर लचिलो पनि हुने तरिका अपनाउँदै समस्या समाधान गर्ने र कार्यान्वयनको तहमा पु¥याउनुपर्ने धारणा त्यस अवसरमा राखिएको थियो । यसबारे प्रधानमन्त्रीले भारतीय प्रम मोदीसँगको भेटमा पनि कुरा गर्नुभएको रहेछ । तर, भारतीय पक्षबाट भने पानीको उपभोग्य अधिकारको कुरालाई लिएर तल्लो शारदा बाँधमा किचलो रहेको छ । जुन कुरालाई महाकाली सन्धिले चिन्दैन । पहिला टनकपुर सम्झौता गर्दा नेपालले पाउनुपर्ने पानीबापतको सुविधा भारतले दिएको छैन । पानीसँगै बिजुली पनि पाइएको छैन । अहिलेसम्म भारतको चासो पानीमा, नेपालको चासो बिजुलीमा रहँदै आएको छ ।

स्मरणीय छ, सन् १९५६ मै भारतीय पक्षले पहिचान गरेको पञ्चेश्वर बहुउद्देश्यीय आयोजनाको बाँध स्थल सन् १९७१ को आयोजना प्रतिवेदनमा हजार मेगावाट क्षमताको देखिएको थियो । तर, १९९१ मा पञ्चेश्वर बाँध ३ सय १५ मिटरको बनाइँदा कूल उत्पादन ६ हजार ४ सय ८० मेगावाट हुने देखियो । १९९५ मा यसको नेपालतर्फबाट विस्तृत डिपिआर बनेको हो । सीमा नदी भएका कारण आयोजना सम्पन्न गर्न द्विपक्षीय सहमति आवश्यक पर्छ । नेपाल सरकार तथा भारत सरकारबीच महाकाली नदीको शारदा ब्यारेज, टनकपुर ब्यारेज र पञ्चेश्वर योजनाबारे ०५२ माघ २९ गते सन्धि भएको थियो । पछि यो आयोजना द्विराष्ट्रिय लगानीमा संयुक्त रुपमा सञ्चालन गर्ने निर्णय भएको हो । 


सुन चांदी बिक्रि दर

तेजाबी

प्रति तोला

NRs.72,300/-

छापावाल

प्रति तोला

NRs.72,600/-

चांदी

प्रति तोला

NRs.860/-

गोकर्ण बचत तथा ऋण सहकारीको आठौं बार्षिक साधारण सभा

गोकर्ण बचत तथा ऋण सहकारीले आफ्रानो सहकारीको आठौं बार्षिक साधारण सभा ओसिस पार्टी प्यालेसमा एक समारोह विच सम्पन्न गरेको छ ।

​एल.आई.सी. नेपालको ‘जीवन बचत’ योजना

“जीवन बीमासहितको खुसीको बचत, जीवन बचत” भन्ने सन्देशकासाथ एल.आई.सी. नेपालले ‘जीवन बचत’ नामक एकल बीमाशुल्क जीवन बीमा योजना बजारमा ल्याएको छ…

प्राइम कमर्सियल बैंकको वार्षिक साधारण सभा सम्पन्न ।

एन आई सी एशिया बैंकको सपोर्ट सेवा २४ सै घण्टा सञ्चालनमा

Prabhu Bank Ltd.
Top