आफ्नै नातापातालाई मार्न अग्रसर


Friday, 19 Jul, 2019 10:26 AM

  • सुनीता गिरी

असार १५ को दिन भक्तपुरमा एक युवतीले आमालाई केही मानिस लगाएर मारेको समाचार मोबाइलमा हेरेर सोनाम दिदीले शंका व्यक्त गरिन्, ‘होइन होला । जन्मदिने आमालाई पनि कसैले मार्छ ?’ सँगै बसेर समाचार हेरिरहेकी अर्की दिदीले थपिन्, ‘अरूले फसाएको रे !’ घटनाबारे पढेर त्यसबारे कुनै सोच बनाउन नसक्नेले के समाचार सुन्नु, के हेर्नु ? कति मानिस कुनै पनि कुरामा आफ्नै किसिमको दिमाग चलाउने अनि अपराधको अनुसन्धानमा संलग्न अधिकारीमाथि विश्वास नगर्ने खालका हुन्छन् । तपाईंले अपराधसँग सम्बन्धित कार्यक्रम अरूसँग बसेर कहिले हेर्नुभएको छ ? सबै जना आ–आफ्नो हिसाबले टिप्पणी गर्न थाल्छन् । मेरो ध्यान भने कार्यक्रमको निचोड बुझ्नेमा केन्द्रित रहन्छ । नत्र त्यहीबारे किताब लेखे भइहाल्यो नि किन कार्यक्रम हेरेर आफ्नो दिमाग पहिला नै अन्त दौडाउनु ?

छिमेकी देश भारतमा एउटी आमाले आफ्नो छोरालाई मार्न मात्र १० हजार रुपैयाँ खर्च गरेकी थिइन् । त्यो चल्तीको रेटअनुसार एकदमै सस्तो हो । यो काम छिमेकीले गरिदिएकी थिइन् । किन आमाले आफ्नै छोरालाई मार्न लगाउनुप¥यो त ? कारण ऊ अति जँड्याहा थियो । यो एउटा रोग हो तर धेरैले यसलाई कहिल्यै निको नहुने खराबीका रूपमा लिने गर्छन् । अर्को, मानिसले विश्वासिलो मानिस लगाएर दुव्र्यसनी छोरालाई मार्न लगाएका थिए । सम्बन्धविच्छेदपछि विवाह नगरेका व्यक्तिको धनी बाबुले छोराको अवस्थालाई आफ्नो इज्जतमा दागको रूपमा लिए, मानांै कि छोराको मृत्युले उनको इज्जत सातांै आकाशमाथि पु¥याउँछ । केही वर्षअघि भारतमै अर्का एक आमाले छोरीको हत्या आफ्ना दाजुभाइसँग मिलेर गरेकी थिइन् । कारण ? उनी धेरै केटासँग उठ–बस गर्थिन् । हुर्केकी छोरी त्यसमा पनि सम्बन्धविच्छेदपछि विवाह नगरेको तर कार्यालयमा सँगै काम गर्नेसँग बिहेको कुरा चलिरहेको । आमाले यी कुरालाई आफ्नो इज्जतमा धक्काको रूपमा हेरिन् र छोरीको मृत्युपछि ठूलो इज्जत पाइने कल्पना गरिन् । तर, जस्तो नाटक गरेर बच्न खोजे पनि जेल परिन् । बिचरा उनीसँग एउटै ओछ्यानमा सुत्ने पतिलाई समेत छोरी मार्ने योजनाको छनक थिएन । 

अमेरिकामा कुनै पनि महिलाको असामयिक मृत्यु भएको खण्डमा पुलिसले सर्वप्रथम त्यो व्यक्तिलाई शंकाको घेरामा राखेर अनुसन्धान थाल्छ जो उनको पति अथवा केटा साथी होस् वा पूर्वपति अथवा पूर्वकेटासाथी । त्यसैले त्यस्तो काम गर्ने अधिकारीहरूले जतिसुकै शोकाकुल भए पनि वा शोकाकुल हुनुको नाटक गरे पनि उनीहरूबाटै सोधपुछको शुरुवात गर्छन् । आँकडाले के देखाउँछ भने ७५–८० प्रतिशत अपराध परिवारभित्रकै व्यक्तिले यस्तो अपराध गरेको हुन्छ । 

यस्तो होइन कि सबै केस पुलिसले नै पत्ता लगाउँछन् । कतिपय बेला छोरा र छोरीले पनि आफ्नो आमाबुबाको हत्यारा समात्ने काममा पुलिसलाई सघाउने गर्छन् । अमेरिकामा एकचोटि एउटा मानिस गायब हुँदा पुलिस विभागले १०/१५ वर्षसम्म पनि पत्ता लगाउन सकेन । पुलिसँग सानो बच्चा बाबुसित बसेको तस्बिर त थियो । तर त्यतिबेलासम्म छोरा ठूलो भइसकेको थियो । एकदिन ऊ पुलिस विभागमा गई त्यहाँका अधिकारीसँग बुबाको हत्या भइसकेको कुरा बतायो । केही अधिकारीलाई शुरुमा यो कुरा विश्वास गर्न गाह्रो भयो तर पुरानो केस सुल्टाउनुपर्ने बाध्यता पनि थियो त्यसैले उसका कुरा ध्यान दिएर सुने । यसरी एउटा छोराले लामो समयसम्म हराएका बुबालाई धेरै पहिले आमाले हत्या गरिसकेको खुलासा गर्ने काममा पुलिसलाई सहयोग पु¥यायो । 

समाजशास्त्र अध्ययन गर्नुभयो भने थाहा पाउनुहुनेछ कि घर त्यो ठाउँ हो जहाँ सबैभन्दा बढी दुर्घटना हुने गर्छ । यदि, तपार्इं आपराधिक मानसिकतासँग अपरिचित हुनुहुन्छ भने अनुसन्धानभन्दा बढी आफ्नो दिमाग चलाएर यो होइन वा त्यो मिलेन भन्न सक्नुहुन्छ । त्यसो त अमेरिकामा भएको एउटा केसमा सरकारले १५ वर्षपछि पूरै क्षतिपूर्तिसमेत सफाया दिइसक्दा पनि एउटी युवतीले लोग्नेलाई आफूमाथि भएको सांघातिक हमलाको दोषी मानिरहेकी थिइन् । अझै पनि राजा वीरेन्द्रको वंश सखाप पार्ने अरू कोही नभई उनैको छोरा दीपेन्द्र हुन् भनेर आँखाले देख्ने उनकै नातेदारलाई विश्वास नगर्नेहरू हामी वरिपरि नै छन् । तिमी जे भन, म मान्दै मान्दिनँ भन्नेहरूको यहाँ कमी छैन । 


सुन चांदी बिक्रि दर

तेजाबी

प्रति तोला

NRs.72,300/-

छापावाल

प्रति तोला

NRs.72,600/-

चांदी

प्रति तोला

NRs.860/-

गोकर्ण बचत तथा ऋण सहकारीको आठौं बार्षिक साधारण सभा

गोकर्ण बचत तथा ऋण सहकारीले आफ्रानो सहकारीको आठौं बार्षिक साधारण सभा ओसिस पार्टी प्यालेसमा एक समारोह विच सम्पन्न गरेको छ ।

​एल.आई.सी. नेपालको ‘जीवन बचत’ योजना

“जीवन बीमासहितको खुसीको बचत, जीवन बचत” भन्ने सन्देशकासाथ एल.आई.सी. नेपालले ‘जीवन बचत’ नामक एकल बीमाशुल्क जीवन बीमा योजना बजारमा ल्याएको छ…

प्राइम कमर्सियल बैंकको वार्षिक साधारण सभा सम्पन्न ।

एन आई सी एशिया बैंकको सपोर्ट सेवा २४ सै घण्टा सञ्चालनमा

Prabhu Bank Ltd.
Top