​कमरेडहरु धमाधम रंगिला काण्डमा


Thursday, 18 Jul, 2019 11:23 AM

जनयुद्धकालमा अत्यधिक मौलाएको साँस्कृतिक बिचलनको रोग नेकपाका नेता–कार्यकर्तामा पनि फस्टाउन थालेको छ । 

यस्तो रोगले मोरङ आक्रान्त छ । कानुनमन्त्री भानुभक्त ढकालको निर्वाचन क्षेत्र नम्बर ३ झनै यस मामिलाबाट ग्रस्त छ । उत्तरी मोरङको पश्चिम क्षेत्रमा पूर्वएमालेको नगर नेतृत्व सम्हालिसकेका व्यक्तिदेखि सामान्य कार्यकर्ता पनि पतन भएका उदाहरण छन् । कांग्रेसभित्र त्यस्ता मामिला आइपरे सहजै सल्टाइन्छन् तर खोक्रो आदर्शका कारण कम्युनिस्टभित्र सकसपूर्ण बन्ने गरेका छन् ।

केही समयअघि ज्यान हत्या अभियोगमा पक्राउ परी योगेन्द्र गुरुङ जेल पुगेका छन् । पूर्व एमालेको बेलबारी नगर अध्यक्ष भइसकेका उनका दुई छोरासहित श्रीमती काठमाडौं बसेका हुनाले मोरङमा अरबेकी श्रीमतीलाई ‘गर्ल फ्रेण्ड’ बनाएका रहेछन् । योगेन्द्रसँगको सम्बन्धका कारण अरबमा कार्यरत श्रीमान्ले बेवास्ता गरेपछि पिरोलिएकी रमिला राईले बारम्बार विवाहका लागि दबाब दिने गरेकी थिइन् । बारम्बार झगडा पर्ने क्रममा पछिल्लो पटक योगेन्द्रकै घरमा रहेकी रमिला मध्यराति जोडले कराएको र बाहिर हल्ला जान नदिन मुख थुन्दा प्राण गएको बयान छ । मध्यरात प्राण गएपछि भोलिपल्ट आफ्नै कारमा हालेर लाशलाई सप्तकोशीमा फ्याँकिदिएको बयान योगेन्द्रले प्रहरीलाई दिएको भए पनि दुई–तीन हप्तामा लाश फेला परेपछि मात्रै हतको पुष्टि भएको हो । 

यो त पर्दाफास भएको उदाहरण भयो । तर, अपराधमा पुग्न नदिई गुपचुप मिलाइएका थुप्रै घटना छन् । मोरङ क्षेत्र नम्बर ३ मै केही महिनाअघि पूर्वएमालेको राम्रै जिम्मेवारी पाइसकेका एक सरकारी शिक्षक तथा बोर्डिङ सञ्चालक परस्त्रीसँग सहवासको कारण झण्डै ठूलो झमेलामा फसेका थिए । ‘गर्लफ्रेन्ड’ ले सबै कुरा पर्दाफास गरिदिने धम्की दिई झमेला बढ्दै गएपछि स्थानीय पार्टी नेतृत्वलाई गुहार्नुपरेको थियो । पार्टीको पहलमा ती महिलालाई दुई लाखको मुठो बुझाएर मामिला सुल्झाइएको थियो । 

केही समयअघि वित्तीय संस्थामा कार्यरत एक जना नेकपा कार्यकर्ताले पनि विवाहपछिकी गर्ल फ्रेन्डलाई झण्डै घरकी कान्छी बनाएका थिए । कसो–कसो भाग्ने योजना लिक भएपछि पार्टी र आफन्त लागेर योजना विफल तुल्याइएको थियो । त्यसपछि ती महिलालाई तीन लाख रुपैयाँ बुझाएर अवैध सम्बन्ध टुटाइएको छ । 

त्यसैगरी, ५० वर्ष हाराहारीको उमेर पार गरिसकेका नेकपा समर्थक एक व्यापारी पनि आफ्नै व्यापारिक स्टाफ युवतीसँग घरकै बेडरुममा रमाएका बेला श्रीमतीले रंगेहात भेट्टाएकी थिइन् । परिवारले ती युवतीलाई आइन्दा फर्केर नआउने शर्तमा ५ लाख रूपैयाँ दिएर काठमाडौँ पु¥याएकोमा पाठेघर फालिसकेकी श्रीमतीसमक्ष श्रीमान्ले रोइलो गरेपछि फर्काएर घरमै पुनर्बास गराइएको थियो ।

अर्का एक व्यापारी पनि एक अरबेकी श्रीमतीलाई गर्लफ्रेण्ड बनाएका कारण झण्डै ठूलै फन्दामा परेका थिए । पेट बोकाएर क्युरेट गराउने खर्चसमेत नदिएको भन्दै महिलाले सुसाइड नोट लेखेर आत्महत्या गरेपछि ती व्यापारी एक महिनासम्म अलप भएका थिए । मामिला सुल्झिएपछि मात्रै व्यापार सम्हाल्न आएका छन् । त्यसैगरी बेलबारीमा वैदेशिक रोजगारमा गएकाकी श्रीमतीले बच्चा पाएपछि एक महिनाअघि सिटी सफारीका चालकले पाँच लाख तिरेर सामाजिक र कानुनी रूपमा मुक्ति पाएका छन् ।

मोरङमा थुप्रै नेता र कार्यकर्ता छन्, जसमध्ये कोही एउटै परस्त्रीलाइ बर्षांैसम्म खेलाउने गर्छन् त कोही सिजनैपिच्छे बदली–बदली रमाउने गरेका छन् । समाज र देश बदल्ने भनेर राजनीतिमा लागेका ‘क्रान्तिकारी’ हरू नै समाजलाई बिकृत बनाउनतिर उद्यत भएपछि जनताले कसको भरोसा गर्ने होला ? 


सुन चांदी बिक्रि दर

तेजाबी

प्रति तोला

NRs.72,300/-

छापावाल

प्रति तोला

NRs.72,600/-

चांदी

प्रति तोला

NRs.860/-

गोकर्ण बचत तथा ऋण सहकारीको आठौं बार्षिक साधारण सभा

गोकर्ण बचत तथा ऋण सहकारीले आफ्रानो सहकारीको आठौं बार्षिक साधारण सभा ओसिस पार्टी प्यालेसमा एक समारोह विच सम्पन्न गरेको छ ।

​एल.आई.सी. नेपालको ‘जीवन बचत’ योजना

“जीवन बीमासहितको खुसीको बचत, जीवन बचत” भन्ने सन्देशकासाथ एल.आई.सी. नेपालले ‘जीवन बचत’ नामक एकल बीमाशुल्क जीवन बीमा योजना बजारमा ल्याएको छ…

प्राइम कमर्सियल बैंकको वार्षिक साधारण सभा सम्पन्न ।

एन आई सी एशिया बैंकको सपोर्ट सेवा २४ सै घण्टा सञ्चालनमा

Prabhu Bank Ltd.
Top