​वायु सेवा यसरी मरिगए बन्दैन


Thursday, 18 Jul, 2019 11:14 AM

कमाएको हिसाब छैन, तिर्नुपर्ने पैसा सुन्दै कहालिलाग्दो ! नेपाल वायुसेवा निगममा हो, यस्तो भएको । असारको अन्तिमसम्म तिर्नुपर्ने त्रैमासिक किस्ता एक अर्ब १३ करोडका दरले बुझाउन नसक्दा नेपाल वायु सेवा निगम मुख देखाउन नमिल्ने अवस्थामा पुगेको छ । उसले लिएको ऋणको तीन महिने किस्ताबापत सञ्चय कोष र नागरिक लगानी कोषलाई तिर्नुपर्ने रकममध्ये पुसमा ४२ करोड मात्र तिरेको थियो । त्यसपछि चैत र असारका दुई वटा त्रैमासिक किस्ता नतिर्दा व्याज बढेर सावाँमा जोडिन पुगेको हो । यसबीच, एक अर्ब १३ करोड पुगेको हो । उसले सरकारसँग २० अर्ब माग गरेको छ । तर, पाउने सम्भावना छैन । 

जहाजको अकुपेन्सी ८१ प्रतिशत छ । अर्थात्, यात्रुको संख्या सन्तोषजनक र खर्च धान्ने अवस्था छ । तर, त्यो पैसा कहाँ जान्छ ? विभिन्न देशका स्टेशन र एजेन्टबाट तान्नुपर्ने पैसा तानिएको छैन । लोकल भेन्डर र ट्राभल एजेन्सीको पैसा पनि असुलेको देखिँदैन । नेपाल आयल निगमलाई बल्लबल्ल तेलको ६ करोड हिजो निकासा भयो । क्याटरिङ र नागरिक उड्डयन प्राधिकरणलाई तिर्नुपर्ने रोयल्टी पनि बढ्दै छ । विभिन्न एयरलाइन्सको काम हेरिदिएबापत ग्राउण्ड ह्याण्डलिङको साढे तीन देखि चार अर्बसम्म आउँछ । अप्रेसन गरेर नाफा कमाउनुपर्नेमा व्यवस्थापन हेरेर बस्नुपरेको छ । भारतमा जेट एयर बन्द भएपछि त्यसको ठाउँ लिएर दिल्लीमा दिनको तीन उडानसम्म हुन्छ । तर, कमाएको खासै देखिन्न । दश घण्टा लगातार उड्नुपर्ने दुई वटा ठूला जहाज एक घण्टाको दूरीमा सीमित भएपछि संस्था कसरी उक्सियोस् ? \

गत वर्ष सबभन्दा बढी यात्रु ल्याउने नेवानि नै हो । सेप्टेम्बरदेखि चीनको व्यापारिक शहर ग्वाङ्झाऊमा यात्रु कार्गो उडानसम्म गर्ने भनिएको छ । अगष्ट २९ देखि जापानको उडान शुरु गर्ने सुरसार छ । नेवानिसँग ५० अर्बभन्दा बढी सम्पत्ति छ । सरकारको लगानीचाहिँ ३८ करोड मात्रै हो । उसले ५६ लाखको दरले नागरिक उड्यन प्राधिकरणलाई पुरानो किस्ता तिर्नु छ, ३३ करोड । ४० किस्ता तिरिसकेको छ । पहिला टाट पल्टँदा सरकारले श्रीलंकन एयरलाई पैसा दिएर उकास्यो । पछि इत्तेहादलाई पार्टनरसीपमा जोडियो । अहिले वायुसेवा निगमको व्यवस्थापनमा जर्मनलाई जोड्न खोजिएको छ । तर, नाफा नभई व्यवस्थापनमात्रै हेर्न को आइदियोस् ! चिनियाँ जहाज ल्याएर थुपारिएको छ । जहाज उड्दैन, पार्टपुर्जाको बिल पेश ग¥यो, पैसा सिध्यायो † यस्तो चाला छ, राष्ट्रिय ध्वजावाहकको ।


सुन चांदी बिक्रि दर

तेजाबी

प्रति तोला

NRs.72,300/-

छापावाल

प्रति तोला

NRs.72,600/-

चांदी

प्रति तोला

NRs.860/-

गोकर्ण बचत तथा ऋण सहकारीको आठौं बार्षिक साधारण सभा

गोकर्ण बचत तथा ऋण सहकारीले आफ्रानो सहकारीको आठौं बार्षिक साधारण सभा ओसिस पार्टी प्यालेसमा एक समारोह विच सम्पन्न गरेको छ ।

​एल.आई.सी. नेपालको ‘जीवन बचत’ योजना

“जीवन बीमासहितको खुसीको बचत, जीवन बचत” भन्ने सन्देशकासाथ एल.आई.सी. नेपालले ‘जीवन बचत’ नामक एकल बीमाशुल्क जीवन बीमा योजना बजारमा ल्याएको छ…

प्राइम कमर्सियल बैंकको वार्षिक साधारण सभा सम्पन्न ।

एन आई सी एशिया बैंकको सपोर्ट सेवा २४ सै घण्टा सञ्चालनमा

Prabhu Bank Ltd.
Top