​लडाकु कमाण्डरहरूलाई सम्पत्तिको लर्काे


Monday, 15 Jul, 2019 12:25 AM

माओवादी केही पूर्वलडाकुका कुरा ! न स्रोत खुल्छ, न उद्यम नै छ । तर, सम्पत्ति देखिन्छ, अत्यासलाग्दो । कसरी सम्भव भयो यस्तो ?  एउटा समाचार फर्किएर हेरौँ, ०६८ साल माघ दोस्रो साताको । चितवन, शक्तिखोरस्थित लडाकुको तेस्रो डिभिजनमा सेना समायोजनताका आर्थिक घोटालाले ठूलै रुप लियो । बहिर्गमित लडाकुले सरकारी चेक बुझ्दा कमाण्डरले ४० प्रतिशत मागे । डिभिजन सहकमाण्डर उदयबहादुर चलाउनेहरुले बबाल गरे । तर, उपल्लो नेतृत्वले कमाण्डरको बचाऊ गर्दा ठगीमा परेका लडाकु हेरेकाहे¥यै भए ।

फलतः त्यसरी अन्यायमा परेका लडाकु अहिले कोही विप्लव नेतृत्वअन्तर्गत हिंसात्मक गतिविधिमा लागेका छन् त कोही वैदेशिक रोजगारीका लागि खाडी पसेका छन् । घोटालाको आरोप लागेका कमाण्डरको कथा भने फरक छ । शक्तिखोरका कमाण्डर थिए, धनबहादुर मास्की (राजेश) । अहिले पार्टी काममा छैनन् । न व्यापार छ, न आम्दानीको देखिने स्रोत नै । तर, उनको घर छ, नारायणहिटी दरबारको उत्तरी पर्खाल पारी । जापानिज रेष्टुरेण्ट नानोहानासँगैको घरमा भेटिन्छन् । आनाको झण्डै करोड रुपैयाँ पर्ने करिव १० आना क्षेत्रफलमा बनेको भव्य घर छ । र, त्यसका मालिक हुन्, उनी । त्यो घरले महिनावारी पाँच लाख रुपैयाँ आम्दानी दिन्छ, भाडाबापत । ऋण तिर्नु कतै छैन ।

आएको पैसा जम्मा पारेर राख्नेमात्रै काम छ । उनीसँग निर्माणकार्यमा प्रयोग हुने एक्साभेटरहरु छन् । उत्तरढोकामा घर किनेकै बेला शिविरको पैसाले ल्याइएका । किनेका दिनदेखि ठेकेदार कम्पनीलाई भाडामा लगाएका छन् । त्यहाँबाट पनि महिनावारी भाडा उठायो, खायो । एउटा ठेकेदार कम्पनीमा आफू पनि साझेदार थिए । तर, पार्टनरसँग कुरा नमिलेपछि लगानी त्यहीँ राखेर कारोबारबाट अलग भएका छन् । उनीसँग शिविरमा छँदै संयुक्त राष्ट्रसंघले प्रमाणित गरेका केही हतियार छन् । हतियार थन्क्याएरमात्रै हुँदैन, बेला बेला चलाउनु पनि पर्छ । त्यसैले फायरिङका लागि कहिले उपत्यका बाहिर त कहिले वरिपरिका डाँडातिर जान्छन् । खायो, बस्यो, रमायो– यस्तै छ जिन्दगानी । 

धनबहादुरजस्तै कमाण्डर हुन्, कालिबहादुर खाम (विविध) । यार्चागुम्बा तस्करी, चिनियाँ व्यापारी लुटपाट र सरकारी कागजात कीर्तेका अनेकौँ मुद्दा झेलिसकेर अहिले त्यसै थन्किएका छन् । प्रायः सामाखुशी, गोंगबु, रानीबारीतिर गाडीमा हुँइकिएको भेटिन्छन् । उनीसँग बा १४ च ६४३३ नम्बरको टोयोटा कम्पनीको कालो हाइलक्स गाडी छ । केही साथी छन्, तासको सोखिन । तिनीसँगै कहिले तास खेलेर त कहिले मदिरापान गरेर दिन काट्छन् । धनबहादुरको तुलनामा कालिबहादुर अलिक ‘गरिव’ छन् । किनभने, उनीसँग बालुवाटार र टोखामा मात्रै घर छ, जसको भाडा कम आउँछ । बालुवाटारस्थित कालिका टावरसँगैको बाटोबाट भित्र छिरेपछि एउटा पुरानो घर छ, आठ वर्षअघि नै किनेका । भत्काएर बनायो भने कमाउण्डसहितको राम्रो घर निस्कन्छ । तर, आफू बस्नुनपर्ने र भाडामात्र लगाउनुपर्ने कारण किन्दाकै पुरानो घर छ । त्यहाँबाट महिनावारी दुई लाख भाडा उठ्छ । आफू बस्ने घरचाहिँ टोखास्थित साइबाबा चोकमुनी छ ।

यी दुई हेरी झनै ‘गरिव’ छन्, पूर्वब्रिगेड कमाण्डर गोविन्दबहादुर बटाला (जीवित) । कोटेश्वरका रेष्टुरेण्ट व्यवसायी रामहरि श्रेष्ठ हत्याको अभियोग लागेका उनी पार्टीका केन्द्रीय सदस्य हुन् । तर, अरुजस्तै जिम्मेवारीविहीन छन् । जीवितले लडाकु शिविर छाड्दा आएको पैसा नुवाकोटतिरको एक क्रसर उद्योगमा लगानी गरे । तर, क्रसर डुब्यो । भर्खरै केही पैसा ‘खोजखाज’ गरेर बूढानिलकण्ठ नगरपालिका– ८ मा घरजग्गा जोडेका छन् । बाँसबारीबाट उत्तरतिर रहेको स्पेशल चोक (मानबहादुर मार्ग) बाट भ्याली पब्लिक स्कुल छिर्ने बाटोमा छ उनले किनेको घर । त्यहाँ पत्नी सुनीता गौतमसहितको बसोवास छ ।

आर्थिक विवादका कारण व्यापारी रामहरि श्रेष्ठलाई ०६५ वैशाख १५ गते राति २ बजे कोटेश्वरस्थित उनकै घरबाट अपहरण गरेका थिए । चितवन पु¥याएर यातना दिने क्रममा मरणासन्न अवस्थामा पुगेका रामहरिको भरतपुर मेडिकल कलेजमा उपचारका क्रममा वैशाख २६ गते बिहान ११ बजे निधन भएको थियो । यही घटनामा संलग्न भएका केशव अधिकारी (रघु) र गंगाराम थापा (एटम) भने गुमनाम छन् ।
 


सुन चांदी बिक्रि दर

तेजाबी

प्रति तोला

NRs.72,300/-

छापावाल

प्रति तोला

NRs.72,600/-

चांदी

प्रति तोला

NRs.860/-

गोकर्ण बचत तथा ऋण सहकारीको आठौं बार्षिक साधारण सभा

गोकर्ण बचत तथा ऋण सहकारीले आफ्रानो सहकारीको आठौं बार्षिक साधारण सभा ओसिस पार्टी प्यालेसमा एक समारोह विच सम्पन्न गरेको छ ।

​एल.आई.सी. नेपालको ‘जीवन बचत’ योजना

“जीवन बीमासहितको खुसीको बचत, जीवन बचत” भन्ने सन्देशकासाथ एल.आई.सी. नेपालले ‘जीवन बचत’ नामक एकल बीमाशुल्क जीवन बीमा योजना बजारमा ल्याएको छ…

प्राइम कमर्सियल बैंकको वार्षिक साधारण सभा सम्पन्न ।

एन आई सी एशिया बैंकको सपोर्ट सेवा २४ सै घण्टा सञ्चालनमा

Prabhu Bank Ltd.
Top