नयाँ नयाँ कुरा निस्कँदै


Sunday, 19 May, 2019 10:12 AM

कुरामाथि कुरा थपिएपछि प्रधानमन्त्रीले भन्नुभयो, ‘अहिले म त्यो क्याबिनेट बैठकमै थिइनँ भनेर सुख पाइन्छ ? यसो गर्न पाइँदैन !’

प्रसंग हो, नेकपा महासचिव विष्णु पौडेलको नाम मुछेर अनेकन टिकाटिप्पणी चलाइएको बालुवाटारस्थित ललिता निवासको जमीन प्रकरण । ०६६ सालमा माधव नेपाल सरकारका गृहमन्त्री थिए, भीम रावल । उनकै संयोजकत्वमा तत्कालीन संस्कृतिमन्त्री मीनेन्द्र रिजाल, भूमिसुधार मन्त्री डम्बर श्रेष्ठसहितको तीन सदस्यीय कार्यदलले गरेको सिफारिसबमोजिम भिआईपी क्षेत्र विस्तारका निम्ति थप जमिन अधिग्रहण गरिएको र त्यसैमध्येबाट पछि गैरआवासीय (एनआरएन), मीनबहादुर गुरुङहरुले केही कित्ता फुत्काएको तथ्यांक छ । अहिले भीम रावल ‘म त्यो क्याबिनेट बैठकमै थिइनँ’ भनेर पन्छिन खोजेपछि प्रधानमन्त्रीले टिप्पा खुवाउनुभएको बताइन्छ ।  

त्यसबेलाको एमालेमा आन्तरिक समीकरण कस्तो थियो भने, केपी–माधव एकै ठाउँ । आठौँ महाधिवेशनमा माधवको समर्थनमा केपी अध्यक्षका उम्मेदवार, भीम रावल त्यही प्यानलबाट उपाध्यक्षमा पराजित । वामदेव गौतम, अशोक राईहरु झलनाथ पक्षबाट उपाध्यक्ष भए । उपाध्यक्षमा सबैभन्दा बढी मत अशोक राईले पाएका । विद्या तेस्रो र वामदेव दोस्रो बढी मतका साथ विजयी । झलनाथले निर्णयमा कठोरता नअपनाउँदा सहाना प्रधान र भरतमोहन अधिकारीहरुले मत बाँडिएर उपाध्यक्षमा हार्नुपरेको थियो । कट्वाल प्रकरणमा प्रचण्डले राजीनामा दिएपछि माधव नेपालको नेतृत्वमा कांग्रेससँग मिलेर सरकार बनेको बेला त्यस्तो निर्णय भएको भनेर केपीले कुरा निकाली त्राहिमाम पार्न थालेको बताइन्छ । त्यसबेला माधव नेपाललाई गुमराहमा पार्नेमा मुख्यसचिव माधव घिमिरे र भौतिक योजना सचिव दीपकुमार बस्न्यातको नाम आउँछ । 


सुन चांदी बिक्रि दर

चांदी

प्रति तोला

NRs.775/-

तेजाबी

प्रति तोला

NRs.61,700/-

छापावाल

प्रति तोला

NRs.62,000/-

साँचो, झूठो– जय शुभशंकर

केही मिडिया हाउसले नियम, कानुन नमानी, राजश्व नतिरी र इजाजतपत्र नवीकरणै नगरी खुरुखुरु काम चलाइरहेको खबर छ । शुभशंकर कँडेल स्वामित्वको एबिसी टेलिभिजनको कुरा…

एन आई सी एशिया बैंक र विराटनगर अस्पताल बीच सम्झौता

प्रभु अनलाईन ट्रेडिङ बचत खाता सञ्चालनमा

​एनआईसी एशिया बैंकको २ नयाँ शाखाहरु सुनसरीको प्रकाशपुर र इनरुवामा

Top