​रित्तो ढुकुटी


Friday, 6 Apr, 2018 7:13 PM

अर्थमन्त्री डा. युवराज खतिवडाले अस्ति भर्खरै मुलुकको आर्थिक अवस्था खुलस्त पार्नुभयो । उहाँले भनेपछि थाहा भयो, ढुकटी त रित्तै रहेछ !
ढुकुटी रित्तो हुनुको यो श्रेयचाहिँ उहाँले पूर्व प्रधानमन्त्री श्री शेरबहादुर देउवालाई दिनुभएको छ । शेरबहादुरले आफ्नो कार्यकालमा यति धेरै सत्कार्य गर्नुभएको रहेछ कि त्यसको फलस्वरूप अहिले देशको ढुकुटी नै रित्तो हुन पुगेको छ । मान्छे भन्ने गर्छन्, देउवाले कुनै कामै गरेनन् । उनीहरूका लागि जवाफ हो– रित्तो ढुकुटी । ढुकुटी रित्याउनु पनि एउटा कामै हो ।

देउवाले अरू केही नगरे पनि ढुकुटी रित्याउने काम त भएकै रहेछ नि ! यो ढुकुटी रित्याउन कम गाह्रो भा’थ्यो ? सबैभन्दा पहिले त ढुकुटीमा भएको जम्मै पैसा जथाभावी बाँड्नु प¥यो । जथाभावी त भन्ने मात्रै हो । वास्तवमा त्यो अत्यन्त मिलाएर बाँड्नुपर्छ । सबैभन्दा पहिले आफन्त । त्यसपछि ससुराली । अनि पार्टी कार्यकर्ता । कार्यकर्तामा पनि आफ्नो गुटको । त्यसपछि अर्को गुटको । यसरी मिलाउन कम गाह्रो हुन्छ ? तर, गाह्रै काम भए पनि त्यो फत्ते भयो । अत्यन्त कुशलतापूर्वक पूरा ढुकुटी रित्तियो । 

ढुकुटी यसरी रित्तिएकोले अब नयाँ आउने सरकारलाई अवसर मिलेको छ । अहिले प्रधानमन्त्री खड्ग ओलीको सरकार जो छ, त्यो पूरा काम गर्छु भनेर आएको हो । ढुकुटी रित्तो भएकाले त्यसलाई भर्ने काम यो सरकारलाई मिलेको छ । काम गर्ने सरकारलाई काम गर्ने मौका मिल्यो त नि ! यसको लागि पनि वर्तमान सरकारले देउवाजीलाई बधाई दिनै पर्छ । कि कसो ?


सुन चांदी बिक्रि दर

चांदी

प्रति तोला

NRs.664/-

तेजाबी

प्रति तोला

NRs.49,730/-

छापावाल

प्रति तोला

NRs.49,985/-

नेपाल टेलिकमले ग्राहकहरुका लागि अटम अफर (Autumn Offer)

नेपाल टेलिकमले ग्राहकहरुका लागि अटम अफर (Autumn Offer) उपलब्ध गराउने भएको छ । उक्त अफर आज  (२०७५/०६/२९) देखि लागू भएको छ र अफर…

सिटिजन्स बैंक र ओम हस्पिटल तथा रिसर्च सेन्टर बिच सहकार्य


सिटिजन्स बैंक इन्टरनेसनल लिमिटेड र ओम हस्पिटल तथा रिसर्च सेन्टर, चावहिल…

राष्ट्रपतिद्वारा सिटिजन्स बैंक सम्मानित

प्राइम कमर्सियल बैंकले दोलखाको बैतेश्वर गाउँपालिका, मैनापोखरी थप शाखा संचालन

Public Notice
Top