​पूर्वराजाले सुको नदिएपछि....


Monday, 8 Jan, 2018 10:11 AM

हिन्दूत्व, राजतन्त्र फर्काउनेजस्ता राप्रपाका एजेण्डा अब बाँकी नरहने भएका छन् । ०६४ सालमा देशभरि नै पूर्णतया रक्षात्मक अवस्थामा रहेका पूर्वपञ्च तथा राजावादी ०७० सालमा निकै लोकप्रिय बन्न सफल भएका थिए । त्यसैकारण २५ सिटसहित संसद्मा बलियो उपस्थिति जनाउन सफल भएको राष्ट्रिय प्रजातन्त्र पार्टी यसपटकको चुनावमा भने नराम्रोसँग बढारिएको छ ।

राष्ट्रिय पार्टीको मान्यतासम्म पाउन नसक्ने अवस्थामा त्यो पार्टी किन र कसरी पुग्यो भनेर उनीहरू माघ पहिलो साता वीरगञ्जमा भेला भई समीक्षा गर्दै छन् । ज्ञानेन्द्रले धोका दिए, कांग्रेसले पनि धोका दियो । हिन्दू, राजावादी भन्नेहरूले इमान छाडे । आखिर कारण के हो त ? यसको खोजी हुँदै छ । त्यसै पनि राजावादीको मात्र देशभरबाट ५ लाख मत आउनुपथ्र्यो । पूर्वराजाका आसेपासे, कर्मचारी, नातागोतादेखि शाही शासनकालमा सेवा–सुविधा भोगेकाहरूले त राजावादी पार्टीलाई मत हाल्छन् भन्ने अपेक्षा थियो । देशभरमा कर्मकाण्ड गर्ने पण्डित, पुरोहित मात्र पनि २ लाखजति रहेकोमा उनीहरूले हिन्दूत्व सम्झेर राप्रपालाई समानुपातिकमा त कम्तीमा एक मत हाल्नुपर्ने अपेक्षा थियो ।

उता, पूर्वराजा ज्ञानेन्द्रले १ सुको चुनाव खर्च नदिने, भोट राप्रपालाई नै हाल है, हाम्रो एजेण्डा बोक्ने पार्टी यो हो भनेर कसैलाई भन्दासमेत नभन्ने भएपछि उनको एजेण्डा बोकेर किन हिँड्ने ? भन्दै अब माघ पहिलो साता समीक्षा बैठक बस्ने तयारीमा राप्रपा रहेको स्रोतले जनाएको छ । अहिलेको नतिजाअनुसार प्रदेश नं. १ र ३ नं. बाट जनजाति महिला, प्रदेश नं. ६ बाट खस–आर्य गरी राप्रपा नेपालले ३ जना समानुपातिक पाउने भएको छ । दुई वटै राप्रपा राष्ट्रिय पार्टी बन्न सकेनन् न त अब दुइटाको मत जोडेरै त्यो दाबी गर्न पाइन्छ । प्रचण्डसँग प्रतिस्पर्धा गरेका अर्काे राप्रपाका विक्रम पाण्डेले समानुपातिकमा आफ्नोे कालिका एफएमकी युवती रिना गुरुङको नाम घुसाएपछि त्यसले पनि नयाँ लफडा शुरु गरेको बताइन्छ ।

– गजेन्द्र ताम्राकार


सुन चांदी बिक्रि दर

तेजाबी

प्रति तोला

NRs.0/-

छापावाल

प्रति तोला

NRs.53,700/-

चांदी

प्रति तोला

NRs.725/-

राष्ट्रपतिद्वारा सिटिजन्स बैंक सम्मानित

सम्माननिय राष्ट्रपति बिद्या देवी भण्डारीको बाहुली बाट सिटिजन्स बैंक इन्टरनेसनल लिमिटेडलाई योर पाटर्नर फर प्रोग्रेस् -YOUR PARTNER FOR PROGRESS_ नाराबाट सम्मानित  गरिएको छ…

प्राइम कमर्सियल बैंकले दोलखाको बैतेश्वर गाउँपालिका, मैनापोखरी थप शाखा संचालन

प्राइम कमर्सियल बैंकले दोलखाको बैतेश्वर गाउपालिका ,मैनापोखरीमा नयां शाखाको शुभारम्भ गरेको छ । यस शाखाको संचालन पछि बैकको कार्यालय  संख्या ५३…

​नेपाल वायुसेवा निगमले मेघौली र ताप्लेजुङ्गको सुकेटारमा नियमित उडान सेवा प्रारम्भ

संकटा वाइन एण्ड वेभरेज प्रालिले क्यानभास वाइन सार्वजनिक

Mega Bank Ltd.
Top