​एकीकरणको साँचो


Monday, 8 Jan, 2018 9:50 AM

दुई वामपन्थी दल एमाले र माओवादी एकीकरणको तरखरमा छन् । मिल्ने मनशाय दुवै तर्फबाट व्यक्त भएको छ । त्यसमा कुनै समस्या छैन । समस्या के भने एकीकरण अझै भएको छैन । एकीकरण गर्ने भनिएको छ तर एकीकरण भएको छैन । पहिले त चुनावअघि नै एकीकरण गर्ने कुरा थियो । भएन । त्यसपछि चुनावपछि गर्ने भनियो । चुनाव सकियो तर पनि एकीकरणको काम सकिएन । 

अब यो एकीकरण किन भएन भनेर बुझिहेर्दा थाहा भयो, यसको मुख्य कारण त उपेन्द्र यादव पो रहेछन् । उपेन्द्र यादव अर्थात् संघीय समाजवादी फोरमका अध्यक्ष । पार्टी एकीकरण गरौं कि नगरौं भनेर एमाले र माओवादी दुवै पार्टीका अध्यक्षहरू उपेन्द्र यादवलाई सोध्न गइरहेका रहेछन् । 
दुवै पार्टीले उपेन्द्र यादवसँग सोध्न त सोधे, तर उहाँले जवाफ भने दिइरहनुभएको छैन । जसले गर्दा पार्टी एकीकरण अन्योलमा परेको छ । अब उपेन्द्र यादवले कस्तो जवाफ दिने हो, एकीकरण त्यसैमा भर पर्छ । 

वास्तवमा यो सबै चुनावले ल्याएको नतिजा हो । चुनावअघि नै एकीकरण गरेको भए यस्तो हुने थिएन । तर चुनावले स्थिति नै यस्तो ल्याइदियो कि एमाले–माओवादी एकीकरणको चाबी नै उपेन्द्र यादवको हातमा गइदियो । 

अब हेरौँ, फोरम अध्यक्षले एमाले–माओवादी एकीकरण गरिदेलान् कि तोडफोड गरिदेलान् !   


सुन चांदी बिक्रि दर

तेजाबी

प्रति तोला

NRs.0/-

छापावाल

प्रति तोला

NRs.53,700/-

चांदी

प्रति तोला

NRs.725/-

राष्ट्रपतिद्वारा सिटिजन्स बैंक सम्मानित

सम्माननिय राष्ट्रपति बिद्या देवी भण्डारीको बाहुली बाट सिटिजन्स बैंक इन्टरनेसनल लिमिटेडलाई योर पाटर्नर फर प्रोग्रेस् -YOUR PARTNER FOR PROGRESS_ नाराबाट सम्मानित  गरिएको छ…

प्राइम कमर्सियल बैंकले दोलखाको बैतेश्वर गाउँपालिका, मैनापोखरी थप शाखा संचालन

प्राइम कमर्सियल बैंकले दोलखाको बैतेश्वर गाउपालिका ,मैनापोखरीमा नयां शाखाको शुभारम्भ गरेको छ । यस शाखाको संचालन पछि बैकको कार्यालय  संख्या ५३…

​नेपाल वायुसेवा निगमले मेघौली र ताप्लेजुङ्गको सुकेटारमा नियमित उडान सेवा प्रारम्भ

संकटा वाइन एण्ड वेभरेज प्रालिले क्यानभास वाइन सार्वजनिक

Mega Bank Ltd.
Top